今日是哥哥張國榮逝世10周年,紀念活動其中一個重頭戲「繼續寵愛.十年.音樂會」昨晚在紅館舉行,開騷前唐鶴德的座駕在後台出現,相信他已從秘密通道進入場館。白雪仙、陳寶珠、梅雪詩、劉培基、鄧光榮太太嚴珍納與女兒等均到場睇騷,音樂會舞台設計簡單,呈鑽石形,台下擺放十八張枱。
陳淑芬之前說過哥哥生前留給她的信息昨晚終於說出來,音樂會晚上8時23分開始時,台上播出她的錄音,陳淑芬說:「張國榮留畀大家嘅嘢,係2003年4月1號晚上6點43分,平地一聲雷,打碎好多人嘅心,當時我喺現場,未醒過嚟唔知發生乜事,突然間有把聲音同我講:『我終於可以好好哋舒服瞓一覺。』我一路收喺心中冇同人講,直至聽咗首歌至講出嚟,係學友寫畀阿梅嘅《給朋友》。你放心喇,我哋明嘅,知道㗎,你永遠留喺你嘅自由空間,我哋永遠記掛住你!」
■張敬軒模仿哥哥當年經典演出,雌雄同體唱《芳華絕代》。 |
■偉仔在台上隔空與哥哥傾心事,還代哥迷問「你可有掛住大家」。 |
■蔡一傑赤膊上陣,在背部還畫了哥哥的側面大頭作致敬。 |
偉仔學友獻聲
首先由黃耀明唱《玻璃之情》,之後梁朝偉在《阿飛正傳》主題曲背景音樂下出場與哥哥隔空對話,偉仔說:「十年冇見,好想知道你仲有冇記掛住我哋。」偉仔背後即播出哥哥舊演唱會片段,哥哥說:「我最掛住就係你哋!」昨晚演出嘉賓還包括張學友、張智霖和商天娥等,娥姐會唱她與哥哥主演的劇集同名主題曲《儂本多情》。
■黃耀明帶頭唱出哥哥的首本名曲。 |
■周慧敏和張智霖合唱《當愛已成往事》,周慧敏曾一度感觸哽咽。 |
■戴住墨鏡的周慧敏昨午到紅館準備。 |
「唔好再為我傷心」
周慧敏跟張智霖合唱完《當愛已成往事》後說:「喺我演藝生涯好榮幸同哥哥合作一次,九二年《藍江傳》做佢女友,傾偈時佢話想寫歌畀我,後來成事,咁多年來首次喺哥哥嘅舞台上唱呢首歌,希望好好完成。」雖然她說此話時忍不住哽咽,但最後如願唱好哥哥寫給她的《如果你知我苦衷》。
蘇施黃透露過電台解夢人指哥哥曾託她報夢,阿蘇昨在錄影片段說:「佢同託夢人講:『你可唔可以幫我同我朋友講,唔好再為我傷心。』當時哥哥企喺熄咗燈嘅舞台,着住西裝。之前我去哥哥活動着黑衫,今日揀粉紅係為好友向前行,唔想佢再覺得我哋為佢傷心。」
採訪:胡比、馬建華
■(左起)劉培基、白雪仙、陳寶珠、梅雪詩和奚仲文安坐場內欣賞音樂會。 |
■張學友為悼念哥哥,昨晚深情演繹《為妳鍾情》。 |
|