林志穎入行21年 童頻樣未變過

羅渣爸爸

入行21年　童顏樣冇變　林志穎防腐力超強﹗

若果要講台灣嘅童顏男星，就係38歲兼做咗老竇嘅「小旋風」林志穎（小志）喇。今日係小志出道21年，仲記得佢初出道時，同金城武、吳奇隆及蘇有朋合稱「台灣四小天王」，現時金城武、吳奇隆及蘇有朋已經變咗型男，佬味十足，唯獨小志仲可以保持青靚白淨外型，就算已經有囝囝「小小志」，個樣好似食咗防腐劑咁唔識老。

小志早排去咗度假，罕有地赤裸上身騷肌肉，身型仲喼得幾弗，佢十足十大細路踢水，好寫意。雖然小志有囝囝已經唔係秘密，但就未見過「小小志」真身，唔知佢似唔似爹哋咁靚仔呢？其實「小小志」間唔中都喺微博「亮相」，但好多時都係得背影﹑大側面同埋頭頂相，總之就係睇唔到個樣，相信係小志唔想囝囝容貌曝光，等佢唔使受到騷擾，認真廿四孝老竇。

另外，小志今日喺微博留言，講返入行21年感受：「我剛出道的時候別人都叫我：小志﹑小林﹑小朋友﹑小弟弟，慢慢的這些年不管去哪，碰到的人都説我是聽你的歌，看著你的戲長大的，然後大家開始叫我：『小志哥﹑大哥﹑老林﹑林老師？』我想想我有這麼老嗎？沒有，哈哈﹗原來今天2.28是我出道21週年，週年快樂。」

蘋果日報

羅渣爸爸

好似依家仲後生咗....

talkermama(編輯員)

KEEP得好好