楊冪愷威踎地執平貨

rivaldo0303

前日情人節，劉愷威同內地女友楊冪喺香港過，可能貪本地氣氛夠啦，前日下晝約5點鐘，劉愷威揸住價值過百萬嘅保時捷，載女友去到銅鑼灣行街。佢哋將架車泊喺時代廣場地庫，兩個人望落個樣都好攰，可能新年玩得太盡興。

楊冪一落車就變身小女人，見男友攰即場幫佢鍊膊頭，跟手仲小鳥依人咁蹺住劉愷威去搭電梯。入到電梯，楊冪繼續熊抱同腰纏男友，非常煙韌。上到地面，兩人先至冇咁纏綿，但都一直十指緊扣，仲見到楊冪無名指戴住隻成三卡嘅鑽石戒指，唔知係咪訂婚禮物？兩個人先去咗日本城行咗一陣，楊冪雖然貴為內地一線女星，但都不失強國人本色，鍾意踎地睇嘢。踎咗一陣，最後都係買咗支強力膠水就走。

【先踎日本城】 【今日我至強】強國人最踎得嘅本色天下聞名，前日內地花旦楊冪同男友劉愷威就雙雙踎喺銅鑼灣日本城睇嘢。

■喺專賣平價家品嘅日本城，楊冪同愷威買咗支萬能膠就走。

【再踎G.O.D.】 ■楊冪同劉愷威轉場逛G.O.D.，楊冪貫徹始終繼續踎喺度睇嘢。

【忽然拉筋】
■楊冪落到停車場，忽然伸手拉筋。
睇浴室用品
之後楊冪同劉愷威行去專賣家具同日用品嘅G.O.D.，佢哋兩個專心睇碗碟、擺設同浴室用品，楊冪亦繼續發揮強國人踎喺度睇嘢嘅本色，睇咗20分鐘最後都係空手而回。行出舖頭，兩人發現記者影相，劉愷威好大方同記者講恭喜發財，問佢幾時結婚？佢話：「順其自然啦。」不過講到係咪買日用品佈置新買嘅豪宅，佢就有啲尷尬咁笑咗吓，之後講多句恭喜就走咗嘞。
採訪、攝影：徐錦池、羅德光