夏蕙姨銀蛇纏身 上頭炷香

rivaldo0303

現年79歲嘅黃夏蕙好虔誠，每年大除夕都一定去黃大仙搶上頭炷香，噚日年廿九，向來愛妖上身嘅夏蕙姨，噚日變身靈蛇姥姥出動，準備踏正12點上香。


即興跳扭腰舞
夏蕙姨噚日下晝兩點，佢先同劉錫賢，仲有幾個友人去佐敦飲茶，提早團年，雖然只係嘆點心，但佢哋都興高采烈開紅酒，舉杯暢飲。醫飽個肚，夏蕙姨就去咗附近嘅裕華國貨買紅彤彤嘅唐裝，趁未入黑就坐地鐵去黃大仙霸頭位。

【約友飲茶】 ■夏蕙姨（中）同亞視藝員劉錫賢噚日中午相約飲茶團年，大啖點心。

【揀定新裝】 ■夏蕙姨又去咗買棉襖，扮到成個利是封咁。

【趕搭地鐵】 ■一身喜氣洋洋打扮嘅夏蕙姨爭取時間，坐地鐵去黃大仙霸頭位。

變身人肉利是封嘅夏蕙姨去到黃大仙祠，特登戴上四條銀蛇頭飾，膊頭又扣上蛇公仔，妖爆造型非常突出，吸引途人圍觀同要求合照，搞到夏蕙姨變咗吉祥物「靈蛇姥姥」。佢影完相就去買巨型風車同葫蘆，隨即排隊，噚日傍晚未夠6點，佢好幸運排第六。問夏蕙姨會唔會跳吓蛇舞，佢幽默話：「蛇舞就唔識，我識跳扭腰舞。」唔怕醜嘅佢仲扭咗幾吓娛賓。
採訪：藍文浩

rivaldo0303

年年梗見到佢, 真夠神心

talkermama(編輯員)

哈哈。。。年年都係報紙見到佢

羅渣爸爸

每年果個時間佢都好紅