許亦妮小三撩人鬧

rivaldo0303

無綫劇集《老表，你好嘢！》中的名媛Monica D乞人憎的程度爆錶，現實中飾演這個角色的許亦妮，最初亦擔心被師奶當街痛罵，幸好走在街上，她沒有被罵反而被讚漂亮，但亦被網民狠批她只懂眼凸凸，她承認自己是演戲初哥，被鬧之後演技可以改善。

撰文：王崇穎

近日無綫劇集《老表，你好嘢！》除了成為觀眾熱話之外，更令一眾寂寂無聞的新人迅速冒起，當中以飾演名媛Monica D的2011年港姐季軍許亦妮最受人討厭，除行為舉止乞人憎之外，她做小三介入張繼聰與王菀之的感情最令人反感，許亦妮日前接受專訪時說：「好多人會邊睇邊鬧，覺得我好衰，雖然我嘅戲份只得五、六集但都已經好有迴響，因為我嘅衰格令到王菀之嘅角色更加出位，佢演得好好令人覺得佢好可憐，我自己睇番都睇到想喊。」

被狠批眼凸凸

首次拍劇就要飾演小三做奸角，許亦妮表示絕不介意，她說：「雖然我只係一個新人，演技又唔係好好，但我覺得想成為一個好演員係乜嘢角色都要嘗試。」許亦妮表示不時收看劇集，見到戲中的自己，亦看不過眼忍不住說：「Monica咁衰㗎！」

對於不少網民指許亦妮於戲中無時無刻只懂眼凸凸，她說：「我本身對眼都好大，可能係表情上令人有錯覺，個角色都想做得比較兇惡，我仲係一個新人，演技需要去學習同磨練