踏入最後倒數,預計下周一入院開刀生仔的周家蔚,前晚挺42吋巨肚到影樓激影性感激凸(肚)照,將為人父的天明為老婆開心,赤裸半身上陣,跟老婆玩頂肚又狂擺鬼馬pose,場面搞笑,說到兒子將於日內出世,天明說:「我仲未學識換屎片呀,BB仔全交老婆搞,媽咪會幫手,最緊要個仔健健康康,阿爸(洪金寶)已為個孫改定名叫洪大仁,我覺得最好叫洪天天,倒轉讀就『天天紅』,幾好呀!」
披上薄紗半掩胸的靚媽非常性感,拍攝中段,突然向老公提議「不如你抱起我呀!」見天明O嘴即笑耍手叫囂「講笑咋。」見老婆鍾意玩,天明索性脫掉外套,赤裸上身與嬌妻玩頂肚,到家蔚笑不停。
說到這次產前激影,周天蔚說:「這是我第二輯大肚相,請容我在此多謝芝婚紗,他們真的很細心,等BB出世後,便連同產檢4D相輯錄成大相簿,到百日宴那天給賓客欣賞。」
重視親子關係
剛從內地返港的天明說:「今次特登請假回來陪老婆生仔,之後仲要返內地開工,起碼要拍到三月,希望下半年可留港工作,多點時間陪妻兒。」
說到育兒計劃,天明說:「屋企人想生多個女,湊個好字,希望兩年內搞掂,不過香港教育制度都好麻煩,未出世已經要搵定學校,又要返好多playgroup,我反而重視親子溝通,想個仔體驗生活,唔好以為自己咬住金鎖匙出世,生幾多個有咩用?真係要有時間陪伴成長先得,我自細在片場長大,因為阿爸要開工,平日見唔到就放假去片場見佢,跟武師學打功夫,真係唔想個仔都係咁。」在旁的家蔚則強調,希望可教導兒子成材,學會孝順和禮貌。
|