超萌﹗陸永囡囡愛扯斷眼鏡
組合農夫嘅陸永去年奉子成婚,老婆Rainah去年2月生咗囡囡陸一穎,雖然年中Rainah和Rapper曲赤嘅咀嘴照離奇流出,令兩公婆一度傳婚變,但都冇影響到佢哋感情。
不經不覺,下個月就係陸一穎嘅1歲生日,今日凌晨,陸永放咗囡囡戴眼鏡相片,表情多多,相當鬼馬,原來陸一穎有舖扯眼鏡癮,特別鍾意扯陸永副眼鏡,所以媽咪Rainah索性買一副眼鏡俾個女,費事佢又再扯斷爸爸眼鏡。
睇番佢由出世到依家嗰樣,變化好大,變得愈來愈趣緻可愛。再大個啲會似靚媽咪定係鬼馬爹哋呢?
去年2月陸一穎BB出世啦。(微博圖片) | 去年3月,滿月時。(微博圖片) | 一穎BB仲乜搣自己塊面呀?(微博圖片) | 五個月大時,咬住老竇張專輯慢慢嗒。(微博圖片) | 去年聖誕節,大個咗好多,可愛﹗(微博圖片) | 陸永抱住囡囡剪頭毛。(微博圖片) |
蘋果日報
|