驚爆會面 關淑怡囝囝嫌棄志偉

rivaldo0303

一度在網上留言自殺的關淑怡（Shirley），將於明年再度在紅館開騷，昨日她一身金look出席記者會，Shirley自爆10歲的兒子曾和曾志偉見面，當轉告兒子志偉被指是他生父時，兒子衝口而出：「It's not true！」

關淑怡相隔5年，將於明年2月2日至3日在紅館舉行演唱會，亦迎接她後年入行25周年，Shirley昨日以一身金look現身寧舍醒神。甫上台Shirley即為自己澄清大吐苦水：「啲人成日話我失場又懶，我要話畀人知我幾專業，真係唔只喺YouTube唱歌。」

之後司儀表示將有神秘嘉賓出現，Shirley即衝口而出說：「你唔話我知係曾志偉！」原來是志偉及Shirley的好友譚詠麟（阿倫），一頭新髮型自稱似陳奕迅的阿倫又抵死地說：「佢成日飲醉酒，跟住就攞張相出嚟問人似唔似我。」

■關淑怡昨日一身金光夠搶眼，俯身時更露出事業線。

■關淑怡透露兒子曾跟被指是爹哋的志偉見面。

乖仔嗌Shut up
重提Shirley兒子被指是她跟志偉所生的傳聞，而她亦不避嫌說：「家10歲嘅仔同志偉見過，我有同佢講話呢個叔叔就係記者成日話係你老竇，個仔一聽到即話『Shut up』。」

阿倫表示以新髮型出現是對Shirley有寓意：「我希望佢重新做人，重新入圈迎接2013。但我要送佢一巴掌，唔係打醒佢，係之前見佢喺網上留言件事而打，我知之後Shirley有打畀我，但我唔聽因為條氣未順，因為佢實在令人擔心。」Shirley表示一直以來得到各人照顧教導不可失場及失蹤，她說：「傳聞止於智者，即好似話我個仔係志偉嘅，根本唔合邏輯。」

問Shirley兒子跟志偉何時見面？她說：「之前日本賑災時見，我個仔鍾意成龍，咁我同佢去日本見佢，而志偉喺度，我同個仔講個傳聞，佢聽到即話『Oh no， it's not true！』」Shirley說自出道以來志偉已很照顧她，自己當他是叔父而已。

rivaldo0303

根本就係經手人.

羅渣爸爸

直頭係啦