叱咤頒獎禮-《重口味》奪至尊歌曲大獎 Eason除套扮校長

字是蟻蟻的3份1

今晚至尊歌曲大獎，即播放率最高嘅歌，就係陳奕迅嘅《重口味》，今日罩頭嘅Eason，依然戴頭套上台。

填詞嘅Wyman話填呢首歌係因為想向80年代嘅廣東歌致敬，佢話:「以前有咩好呢，有5萬銷量冇問題，唔係好似依家放上網，有萬幾hit rate就好好。近年好想返去80年代，好希望有一日將來嘅歌會歌頌番呢10年，我對香港歌手有信心。」

作曲嘅Eric Kwok話:「呢首歌要多謝jerald，同你一齊作曲係一件好辛苦嘅事，呢首歌係由尾作番頭，我哋知道ending係點end，永遠好記得隻歌點寫，多謝Eason。」


Eason笠頭上陣，都係頂唔順，上台就除套話:「我真係頂唔順，真係唔可以亂試，從來未試過呢套衫，多謝Wyman，今年唯一一首寫o既歌交畀我，我哋喺個竇玩得好開心，費時阻住Do姐(鄭裕玲)訓覺。」Do姐回應:「睇你呢身打扮都值回票價啦。」Wyman就插咀:「你真係好重口味。」

之後Eason除套唱《重口味》，不過唔知佢傻o左定支咪傻咗，一度甩咗幾次，之後更譚校長上身，扮校長唱歌似到爆，搞到全場起哄！仲話「一陣仲要巡迴呀，好攰呀。」