亞姐開餐似開片

rivaldo0303

亞視二十位亞姐大中華總決賽候選佳麗，噚日喺中環接受餐桌禮儀訓練，成班女仔着晒谷胸晚裝鬥事業線長，前亞姐冠軍羅霖就以中性look扮教練，可惜佳麗們質素參差，食嘢時不停聽到吞嘢聲、刀叉聲，認真失禮，最後羅霖都夾硬揀咗1號黃璧安、6號陳瑩瑩和13號孟丹珏表現最好。

呢三位都係香港賽區代表，羅霖都忍唔住話：「可能內地少食西餐，佢哋三個肯學肯問肯做，其他人要時間執。」另講到劈炮仁美清敘主席，羅霖話：「我係功成身退，係好禮貌同大方嘅做法。」
撰文：洪紅克

■班女仔食西餐唔止聽到食嘢聲，仲聽到刀叉聲，認真失禮。

■呢三位都係香港賽區代表，佢哋嘅餐桌禮儀比內地佳麗勝一籌。