朱茵生咗囡囡叉燒包後深居簡出,噚日佢終於曝光!朱茵噚日喺微博擺咗張錫囡囡面珠嘅新相,並留言:「唯一希望光陰可以停留」,網友都讚佢哋係美人。黃貫中噚日又喺微博貼咗囡囡相,相中叉燒包瞇埋眼仔,旁邊仲有堆法國甜品macarons,朱茵仲借張相打情罵俏:「寶貝不用怕,爸爸好快幫你解決這些圈圈怪魔」。
有指囡囡單眼皮似他,Paul冧爆話﹕「但比例大我好多,佢有媽咪嘅股份,我都希望少啲似我。」又大讚囡囡易湊,成日同老婆爭抱女。問朱茵何時復出?他說﹕「老婆好聽話,冇濕水同食薑飯,但佢話要瘦多幾磅先,但對我嚟講都一樣。」
另邊廂,又有兩個大肚婆現身,就係錢太湯盈盈同洪太周家蔚,原來佢哋之前去咗錢嘉樂金馬獎慶功宴,其間曾志偉同兩個大肚婆比拼肚腩,獎門人一啲都唔輸蝕!
|