實在太幸福喇!!
恭喜晒又添一新成員, 兩個女都咁可愛~
(btw, 不過再入醫院生B時就要小心D內地人啦... )
歌手周永恒(Roy)跟趙頌茹(Yu)的二女愛希於3日凌晨出世啦,重6磅2安士,雙眼皮有酒窩似媽咪,左耳有粒的似足老竇,而且是三代遺傳的周家特徵,Roy陪老婆入產房,更大讚阿Yu好叻,似生仔機器。
上月底,Roy陪老婆到屯門醫院做產檢時,疑因打尖和拍照問題跟一名內地男人爭執,大肚阿Yu為護夫受傷,左手流血縫了6針,幸沒有驚動胎氣,預產期本是10月4日的阿Yu,於2日下午感到作動隨即入院,女兒於3日凌晨3點幾出世,取名愛希,寓意愛心和希望,順產的阿Yu很快已康復,現已出院返家休息。
第二胎好淡定Roy昨日接受本報電話訪問,他開心地宣佈:「老婆喺2號下晝作動,夜晚11點入產房,痛咗3粒鐘,生咗3個字,佢好叻唔使打催生針,好似生仔機器,我有入產房陪佢,睇住囡囡出世,仲幫BB影相,我同老婆都冇喊,已經第二胎好淡定,老婆好勁,個個入產房好似跑完馬拉松咁,出番嚟面青青勁虛弱,老婆情況就OK,因為有經驗,比上胎快康復,第二日已經落床餵人奶。」
問Roy囡囡愛希似邊個?他興奮說:「面形、眉好靚似媽咪,有酒窩、雙眼皮,同家姐好似樣,頭髮冇咁多,鼻哥仲高過家姐,好靚女,而且左耳同我一樣有粒的,我爸爸都有,三代遺傳好好笑,身形都好似我,冇信希咁長,哈哈!」Roy還在電話旁問信希,開唔開心做家姐?
她咭咭笑說:「開心!」不過,Roy卻踢爆信希呷醋:「佢覺得妹妹好似公仔,但見到媽咪餵妹妹飲奶,信希竟然喊住話:『BB唔飲奶呀。』個樣好傷心,好奇怪點解有BB黐住媽咪,我同老婆係咁笑。」
信希愛錫妹妹由於信希只有2歲多,很好奇家中多了一個BB,Roy說:「信希仲好細,同佢講呢個係妹妹,佢就成日要搵妹妹,試過自己攞凳爬高入BB床,要同妹妹一齊瞓覺,佢都好驚,好細力咁摸妹妹,日日都錫妹妹。」
蘋果新聞報導
|