創業自救 高鈞賢做校長

羅渣爸爸

有靚仔哥哥做校長, 應該好多媽媽Fans 報名,

俗語有云：「花無百日紅」，不少男藝員都有做副業或創業另謀出路兼增加收入，為數最多的可算是一眾港男。由於「惹火高層」余詠珊上場後即怒斬《香港先生競選》，令港男注目程度大大降低，以往得獎者亦不受重視。

有見及此，○五年冠軍高鈞賢及○九年冠軍許家傑分別投資六位數開舖做老闆，前者開兒童藝術學校「升呢」做校長，後者兼職教跳舞及開潮店吸金，實行自給自足，不用望天打卦，等高層「點燈」。

親力親為

早前因打籃球斷腳筋的高鈞賢（Matthew），停工休養三個月後全面復出，除了再度活躍於幕前，他亦的起心肝實踐做生意的夢想，上月更一舉投資五十萬在紅磡開設STEPSSTAGE兒童藝術學校，由型英帥港男變身「湊仔公」。

早前Matthew率領一班學生在商場行catwalk，高校長由吹氣球到換舞衣都一手包辦，期間又頻頻chok樣甜笑派傳單，吸引不少師奶埋身！綵排時，單身的Matthew「一對十」湊細路，時而手指指着他們排隊，時而在台下手舞足蹈為小朋友「提水」，雖然學生偶有扭計或蝦碌百出，但他仍又呵又o氹，最終跟學生齊齊完成韓國舞曲〈Sorry Sorry〉，場面溫馨。

課程適合三歲至十一歲兒童，高鈞賢更打算開辦學前班賺多筆。