好友台上接力逼婚 伊健鐵定明年娶YoYo

羅渣爸爸

一眾古惑仔兄弟把話題轉向伊健的婚事，將於年尾和湯盈盈結婚的錢嘉樂問伊健：「之前你應承我今晚一定講。」伊健即搶着說：「係呀，講你結婚嘛。」至於已為人夫的小春鬼馬地說：「等我講，但係你唔可以嬲，我哋有請蒙嘉慧。」觀眾即時起哄拍手叫好，一臉尷尬的伊健卻揮手叫停，但小春未有放過他：「咁呀，咁一係有請蒙嘉慧父母上台。」伊健被推至牆角唯有說：「得喇，我自己講，我好尊重我嘅舞台，為咗大家我會盡量去做，但係我同女友嘅事係好私人嘅事，我唔鍾意攤開畀大家睇，我承認我係一個好浪漫嘅人，唔係點唱情歌畀大家聽。」講完等如沒有講，難怪全場報以噓聲。

「唔講時間地點」

此時另一嘉賓古巨基出現唱《友共情》，但原來基仔同樣玩伊健：「監製叫我畀驚喜伊健，話佢今晚會宣佈請我飲。」伊健又尷尬傻笑，基仔再說：「係請我去飲慶功宴，咁啦，我唔講結婚兩個字，我講嘟嘟，全場跟我講，伊健、YoYo、嘟嘟！」伊健笑言：「如果我嘟嘟一定請你去飲。」
慶功宴上問為何一班兄弟出手都不肯公開求婚？伊健說：「真係好私人嘅事，總之未結婚，結咗我會講畀大家知。唔會喺今年結，喺出年，但我唔會講時間同地點，因為呢啲係私事。」提到朱永棠提出舉辦《古惑仔》音樂會，伊健表示很有興趣，希望可以成事。

蘋果日報