恭喜,江希文生咗個女!

抵買媽媽

蘋果
資深大律師兼全國政協委員胡漢清同84歲母親莊永楚嘅金錢轇轕，上月初一齊發聲明話達成和解，據報莊永楚可以收回上海大宅同500萬現金。

不過，今日又有報道話，莊永楚自三月爆出母子不和、同胡漢清食和解飯局，但不歡而散之後，大家就冇見過面，雙方只係靠家事調解員聯繫。

奇就奇在，胡老太喺呢個調解員口中，除咗知道咗好多兒子近況外，仲知道咗好多「秘密」。據胡老太透露，佢知道江希文有咗BB喺英國安胎，又同胡漢清擺咗酒，但其實佢哋兩個係未正式註冊！

到今個月胡老太知道江希文已經生咗，胡漢清就趕去英國，所以胡老太先可以布上海大宅鎖匙，不過報道入面，佢話鎖匙係收到，但屋契就未有，0依家連嗰500萬到唔到手都未知，所以佢話：「去到呢個地步，好難講和唔和解喇！」

之前江希文連發多條微博，公開以後輩+媳婦身份，狂數奶奶，指奶奶為錢不顧親情、婚禮禮到人唔到，又話對方捏造事實好「離譜」。但就俾網民指摘江希文通篇嗌「胡媽媽」而不稱呼「奶奶」，禮數欠奉，仲要公開狂數對方，之後胡老太曾表示「餘生唔想再見呢啲人」。今日篇報道都有問番胡老太點睇江希文，佢就話胡漢清日日唔同女朋友，唔適合結婚添。嘩，即係唔睇好江希文啦！