名模林嘉綺正式升呢做媽咪

抵買媽媽

恭喜﹗恭喜﹗名模林嘉綺正式升呢做媽咪，佢喺美國時間4月21日喺三藩市誕下囡囡KuKu，囡囡重5.9磅，嘉綺表示：「好像做了一場夢，很開心，女兒手長腳長根本是我的翻版。」陪著老婆進產房嘅老公黃麟書（Michael）大呼「KuKu真是太美了﹗」

林嘉綺預產期本來係22號，囡囡雖提前1日出世，但成個生產過程好順利，陣痛時間好短，佢就大讚囡囡：「她的確是個孝順的孩子。」因老公係健身教練，嘉綺產前除咗注重飲食均衡之外，亦要持續保持運動習慣。見到嘉綺喺醫院抱著女兒影相，雖然素顏上陣，不過氣色唔錯，身形一啲都唔似產婦。問到佢會唔會擔心產後身材走樣？嘉綺好有信心話：「這方面我老公是專家，我不擔心。」

講到愛女，林嘉綺就開心到爆：「女兒很健康，出生時哭聲嘹亮，臉蛋漂亮、皮膚白、頭髮多、鼻子很挺，尤其手腳根本係複製我，大家都說長得像我多。」而初為人父嘅Michael因為全程喺產房陪產，令佢更愛老婆：「真的很感動，不但更愛我老婆，更是知道所有的媽媽有多偉大。」一提到寶貝女，佢就驕傲表示，「Kuku很袖珍，真的太美啦！所有在醫院的護士都跑來看她」。

今早香港時間5點，林嘉綺再次上載佢哋一家三口嘅溫馨合照：「謝謝各位姐姐哥哥阿姨叔叔嘅關心，我已經平安順利的來到這個世界。」  

rivaldo0303

恭喜