圈中的模範夫婦吳彥祖和Lisa S.早前宣佈造人成功，前晚兩人現身透露BB是囡囡，現約四個月大。但將為人父的吳彥祖，竟然擔心囡囡將來被仔呃而希望她可以生得醜樣。吳彥祖表現比Lisa更緊張，難怪搞到甩頭髮。
吳彥祖和老婆Lisa S.前晚到灣仔會展看拳賽，懷有身孕的Lisa穿上平底鞋跟老公十指緊扣。問不擔心看拳賽影響BB？吳彥祖竟說：「我反而想BB學，BB係女，我怕佢12、13歲就有人追，好驚。家我知唔好咁講，但真係想佢醜樣，唔好咁多男仔追，學識保護自己。」Lisa腹中BB現在約四個月大，吳彥祖坦言若是仔不會如此緊張：「尤其靚女仲驚，不過我同老婆兩個都靚可能生個醜，我想佢讀好書唔好出嚟玩，唔好入娛樂圈。」
驚女兒被男仔呃吳彥祖想囡囡生得醜，老婆會否不開心？Lisa即說：「我好開心。」吳彥祖希望囡囡將來做律師或醫生：「我經歷過青春期，知男仔諗乜，好驚。」是否因當年欺騙不少少女因此才如此擔心？吳彥祖笑稱：「唔係多，但都唔少，可能係報應。」而Lisa則透露現在經常想睡覺和食東西，身體情況良好。會否夾八字改名？吳彥祖表示不會，中文名交由爺爺決定，而英文名等囡囡出世後決定。
![]() ■吳彥祖未做老竇但已擔心囡囡將來被男仔呃，被Lisa S.取笑。 | ![]() ■Lisa S.（右）的好友Ana R.及男友Brad亦到場觀看拳賽。 |
心情緊張甩頭髮吳彥祖已決定囡囡在香港出世，更已訂好醫院和床位，因他覺得香港的醫療比美國更好，但未決定老婆是否順產，吳彥祖又透露：「不過我媽咪話，如果BB喺香港出世，冇得做美國總統，但始終方便啲，我都唔係好想個女做總統。」會否追多個？吳彥祖坦言看囡囡出世後再決定，而Lisa即踢爆老公：「佢真係好緊張，搞到甩頭髮。」
| 
發表於 2012-12-14 02:34:02
|
查看: 1643
|
回復: 2
|
媽幣
發表於 2012-12-14 15:01:42
|
