你的事情,要分開兩個部份來看。
第一,是你和你先生的關係; 第二,才輪到呢個死靚仔!
我覺得,如果你同你先生的婚姻關係是開心、愉快的話,你是不會出軌的。
從你的文字之中,我隔了幾重都看得出你的寂寞、無聊、看不見前程。
這種感覺很矛盾,在外人眼中,你嫁了個好好先生,他還是你的「初性情人」(未知是否初戀情侶),而且人品好,對你也好。
可是事實上的感覺,大概只有你自己一個人知道。
又加上你自少的教會背景(希望不是天主教,因天主教是不許離婚的),雖然你離開了,可是那些自少種在心底的價值觀,直接影響到你對這段幾角關係的感受。
和死靚仔一起,你覺得年輕,沒有責任感,想做就去做,簡直就變成電視劇的女主角;可惜,我們的生活並不是電視劇。每個人都要為自己所做的事負責任的,
例如:
1.你有否想過如果有了BB,你會怎辦?(題外話,世界上係無男人鍾意用套做愛架,佢話想舒服,你就就佢,有BB的話,你點?生佢出嚟迫你老公幫人湊仔?定係落咗佢呀?)
2.有性病;
3.佢女友找上你公司數臭你;
4.你老公發現後抑鬱自殺;
5.佢特登搞到你老公知道,你兩個離婚後佢同你講:「其實我已經唔愛你喇!」……等等等等
世事,唔係你話自己願意做小三,就完滿地落幕,你有好好先生老公之外,又可以同第二個男人有性高潮——邊有咁著數!?
其實,解決方法好簡單,請你先問自己:
你同你先生的婚姻,你還想繼續下去嗎?
想的話,請你和死靚仔斬纜,然後,好好找尋婚姻輔導。 你坐下來想想:
1.為何十年前會愛他?
2.為何六年前願意和他同居,而離棄你一直依賴的宗教;
3.當日你為何願意嫁給他?
你老公如此乖巧,可是沒有情趣,你是可以教育佢,令他變得有情趣。
但如果你試過都唔得,OKOK!離婚,然後投向死靚仔懷抱,做其小三……不過,你覺得佢會愛你幾耐?定係等有小四、小五出現,好似成套「名媛望族」齊晒腳你至識死?(當然,如果佢真係好靚仔,你冧爆佢,無話可以講嘅,高潮呢樣嘢係好主觀嘅感受呢!)
我告訴你,你和死靚仔的性高潮,是你和先生多年沉悶的性行為激發出來的後果。
故最後的結論是,如果你真係覺得老公唔可以過到人世,請尊重他,和他離婚後才和第二個人有高潮。
這個男人,至少還值得你對他尊重!
至於個靚仔……老實講,我唔睇好! 請想清楚
|