節目談「成魔之路」 預告今爆陰毒 亞視公器私用 數臭...

rivaldo0303

亞洲電視繼續公器私用，近日大力宣傳節目《微播天下》新環節「維基解密」，聲稱公開申請免費電視牌照的城市電訊主席王維基「成魔」之路。昨節目頭炮諷刺王在2008年出任亞視行政總裁時，12天閃電請辭，「搞到滿城風雨」，又預告今日會披露王「鮮為人知嘅秘密」。學者及立法會議員批評節目斷章取義，攻擊潛在競爭對手。

記者：翁煜雄　張文傑

「王維基被譽為電訊魔童，佢幾時開始成魔呢？」亞視周一至五晚節目《微播天下》，近日宣傳新環節「維基解密」預告片，通訊局昨已收到9宗投訴，不滿亞視濫用大氣電波公器私用。亞視早前「爛騷」《關注香港未來》至今也累積收到2,100宗投訴。

縱然犯眾憎，亞視也懶理，昨如期首播「維基解密」，兩位男、女主持人唱雙簧「狂數」王維基。1分半鐘環節，先節錄08年12月4日，王維基出任亞視行政總裁會面傳媒片段。主持人稱，「王維基出任CEO消息就好似炸彈，震撼住每一個香港人嘅心……佢話要改革之前，要率先為亞視帶來影響，上任第四日已經有4名高層請辭。」節目又播放王的發言︰「如果你睇番我舊公司過去10幾年歷史，更艱難日子我都捱過，我唔係一個咁容易放棄嘅人。」主持人隨即諷刺他，「佢講到自己係唔會放棄，又話會作長遠合作，咁長遠係幾耐呢？一年？三年？五年？唔係，係十二日。短短12日亞視已傳王維基請辭消息。」

主持人繼續「踩」，「辭職都係人之常情唧，不過搞出個大頭佛就煩到人啦」。又批評王請辭演變成羅生門，「亞視指佢已經辭咗職，王生本人又話冇，搞到滿城風雨，大家咪當戲咁睇囉。做事做得唔夠乾淨俐落，辭職咁普通嘅事都可以搞到咁樣。」


毛孟靜：連自尊都冇埋
環節沒播王維基回應，也無第三者評論，節目尾聲預告翌日將「繼續披露王維基鮮為人知嘅秘密」，並播放亞姐選舉相片，未知是否暗示會翻炒王維基2008年在應屆亞姐面前討論其胸部的醜聞。節目最後聲明「以上內容純實個人意見，與本台立場無關」。

「整個節目嚟鬧潛在競爭對手，亞視咁樣都做得出。」立法會議員毛孟靜批評，節目內容偏頗，「當年王維基辭職涉及好多事同人，例如張永霖，點可以一面倒講佢。」她說亞視濫用大氣電波或已觸違廣播條例，「但最重要係冇品，亞視連自尊都冇埋」。中大新聞與傳播學院講師梁麗娟認同節目斷章取義，沒全面解構當年王辭職始末。

rivaldo0303

亞視就變左8婆台...

羅渣爸爸

「以上內容純實個人意見，與本台立場無關」

呢句無敵...

BB

坦白, 我已經無睇亞視好耐, 真係好懐念以前既亞視