【李璨琛結婚】 潮人娶老婆 變怕醜仔

字是蟻蟻的3份1

李璨琛同擔任時裝設計師嘅太太梁志瑩(Pae)昨日大婚，一對新人喺北角海逸君綽酒店舉行註冊儀式，今晚擺酒設宴。

梳咗個蛋撻頭嘅李燦琛話自己個頭似牛脷酥，著住靚靚西裝嘅佢帶埋太太見傳媒，太太好sweet咁幫琛仔整理煲呔，在場傳媒朋友叫琛仔即場咀嘴太太，平時表現不羈嘅琛仔竟然尷尬面紅起嚟，唔夠膽喺人前咀嘴，李璨琛話：「我好怕醜，冇乜幾可咁樣，好緊張。」

講到接新娘，李璨琛當然少不免要讀愛的宣言。姊妹團安排佢將《天梯》嘅歌詞讀一次，表現生硬嘅琛仔話自己係有少少緊張，個身仲有少少「興」。問到新娘子覺得老公李璨琛表現成點？戴住兩卡婚戒嘅Pae好冧咁話：「在心中。」

噚晚琛仔按傳統做上頭儀式，至於有冇家全之寶交畀太太，琛仔話：「我咪家全之寶囉﹗」講到同太太如何結緣，佢就話：「有一次同一班男仔朋友去大浪灣游水，見到成班女仔，就埋去媾佢，當時佢唔係太騷我；後嚟喺另一個場合再見到，之後就開始一齊，經歷一次求婚就成功喇﹗」一對新人明年先去馬爾代夫渡蜜月，計劃兩年後生仔。

BB

我好鐘意李璨琛, 覺得做戲好好同埋幾型幾潮!

而且感覺佢都有D似我細佬, 黎緊細佬明年都結婚

talkermama(編輯員)

WaiWai 發表於 2012-11-22 17:13
我好鐘意李璨琛, 覺得做戲好好同埋幾型幾潮!

而且感覺佢都有D似我細佬, 黎緊細佬明年都結婚 ...

恭喜恭喜...恭喜埋你細佬

rivaldo0303

恭喜晒~~

sammy

搞笑牛脷酥頭